-
சீனிப்பூ

சிவப்பு நிறத்தில்
ஒற்றைப் பூ
குளிர் பச்சை நிற
இலைகளில்
ஒரு அழகிய செடி

காலநிலை மாற்றம் கடந்து
கொஞ்சம் காலத்தினை
அனுபவிக்க சென்றவேளை
குளிர் பிரதேசத்தில்
கொள்வனவு செய்தது..

வெட்டியெறிந்தாலும்
வேர் விட்டு எழுந்து விடும்
சீனிப்பூவை பிடுங்கி விட்டு
வித விதமாய் பசைளையிட்டு
சாடியிலே அதை நட்டி
காலை மாலை நீரூற்றி
கண்ணும் கருத்துமாய்
பாதுகாக்கிறேன்
என் அன்றாட வேளையில்
அதுக்கெனவே நேரமொதுக்கினேன்

நாலைந்து நாற்களிலே
பூத்திருந்த ஒற்றைப் பூவோ
கருகி தலை சாய
குளிர் பச்சை இலையெல்லாம்
மஞ்சள் காமாலை பிடித்து விட

பிடுங்கி எறிந்த சீனிப் பூவோ
அங்கும் வேர் பிடித்து
வண்ண வண்ண பூக்களுடன்
என்னைப் பார்த்து புன்னகைக்கிறது...

2019/04/19
புத்தளக்கவி
நிஸ்னி


Comments

Post a Comment

Popular posts from this blog

வீழ்வேனென்று நினைத்தாயோ

-
Image
வீழ்வேனென்று நினைத்தாயோ எத்திசையும் எம்மனமே எவ்விசையும் எம்மினமே கண்ணசையும் வேளையிலும் கச்சிதமாய் பண் சமைப்போம் எழுச்சிமிகு வேளையிலும் எழுத்துக்களால் போர் தொடுப்போம் நற்றமிழாய் நாமிருப்போம் வேந்தனவன் வேலெனவே தீமைக்காய் தீட்டிடுவோம் பசுங்கொடியே பவள மல்லியே என்றும் கொஞ்சம் கொஞ்சிடுவோம் மிஞ்சுவோரின் மார்பினிலே மின்னும் வாளாய் பாய்ந்திடுவோம் வேங்கைகள் இனமடா வேறு கதை வேண்டாமடா வேட்டையாடும் களை நமக்கு வேளா வேளை பழக்கமடா பாவப்பட்ட பாரினிலே பார்க்கும் கண்கள் பார்வையிலே கோணல் கொஞ்சம் அதிகமே கோடி கொண்ட கைகள் இங்கே கேட்ட வரம் கொள்ளுமே இருந்தும் என்ன மானிடா எழுந்து வா நீ அதிர்ந்திட கிண்டு நிலத்தை விளைந்திட அள்ளிக் கொடுக்க துணிந்திடு ஆங்கிலங்கள் ஆளவரும் அடிகள் கொடுத்தே துரத்திடு பல அதிகாரங்கள் கூட வரும் அப்போதும் நீ எதிர்த்திடு திமிரில் விறைத்த நெஞ்சுடன் அனல் பறக்கும் விழிகளுடன் அகங்காரத்துடனே வினா தொடுத்திடு வீழ்வேனென்று நினைத்தாயோ..
Read more
-
புத்தளத்துப் புத்திரரே களப்புக்குள் குடியிருப்போம் களைகளை கருவறுப்போம் கட்சிபேதம் கழற்றியெறிந்து தாயவளை சூழ்ந்து காப்போம் கண்ட கண்ட இடங்களிலே கழிந்த கழிவு மீதமெல்லாம் அள்ளி கொண்டு கொட்டிவிட அவளென்ன குப்பை தொட்டியா புத்தளத்து புத்திரரே உப்பு சோற்றிலிட்டு மட்டுமல்ல மூச்சிக் காற்றுடனும் அள்ளித்தின்றவர் நாம் அடிகொடுத்து விரட்டிடுவோம் நம் பலம் யாதென காட்டிடுவோம் புத்தளத்துப் புத்திரரே புறப்பட்டு வாரீரே நம் வருங்கால சந்ததியும் நற்காற்றை சுவாசிக்க வழி செய்து போவீரோ.. 2018/09/29 புத்தளக்கவி     நிஸ்னி
Read more

உனக்காகவே உயிர் வாழ்கிறேன்

-
உனக்காகவே உயிர்        வாழ்கிறேன் வெட்டிவிட்ட நகம் போல வீசிவிட்டு போன பின்பும் கொட்டிவிட்ட தேள் போல கோபங்காட்டி சென்ற பின்பும் வைத்த அன்பு போகவில்லை நீ வைத பின்பும் மாறவில்லை சிறகடித்துக் கொண்டேயிருக்கும் சிகரம் தொடாத கடற்பறவை போல படபடத்துக் கொண்டேயிருக்கும் என் இதயவோசை எட்டவில்லை உன் காதில் நெஞ்சினிலே சாய்ந்து நெற்றிமுடி நீவி ஒற்றை முத்தம் தந்து உன்னில் ஒன்றிவிட ஏங்கும் என்னை ஊடல் செய்தால் தாங்கிக்கொள்வேன் ஊடறுத்து செல்லும் வெள்ளத்திலே நீ வேகமாக ஓடும் ஓடமானால் என்ன ஆவேன் என் அரக்கனே என் அன்பனே தள்ளிச்சென்று கிள்ளிவிட்டு அழுகையையும் ரசிக்கிறாய் துளிர்த்த கண்ணீர் துடைத்தும் கொஞ்சம் நடிக்கிறாய் யார் நீ நீ யாராக இருந்தாலும் உனக்காகவே உயிர் வாழ்கிறேன்   புத்தளக்கவி        நிஸ்னி
Read more