அவளதிகாரம்

-
அவளதிகாரம்

ஆறேழு பெண்கள்
நாலைந்து ஆண்கள்
வட்டமிட்டு அமர்ந்தபடி
திட்டமிட்டு கொள்கின்றனர்
விட்டு விட்டு 
துடிக்கும் இதயம்
எட்டி வெளியே குதிப்பதாய்
ஏதோ ஓரிரு வார்த்தைக்காய்
ஏக்கத்தோடு காத்திருக்கிறாள்
அவள்

குசு குசுக்கள் முடிந்தபின்
கரகரத்த தொண்டையை
செருமிய படிய சொல்கிறார்
சேதி என்னவென
சென்றபின் சொல்லியனுப்புகிறோம்

எதிர்பார்த்த பதில் தான் அவள்
ஏமாற்றங்கள் புதிதுமல்ல அவளுக்கு
குட்டை கொழுப்பு கொஞ்சம் கருப்பு
நிராகரித்தல்களின் குவியல் இவை
நிராசைகளை மட்டும் விதைத்த
எதிர்பாரத்த ஏமாற்றங்கள் 
இத்தோடு அவளுக்கு 
பழகிப்போன புண்கள்
காட்சியறை பொம்மையாய்
வந்தவர் கண்களுக்கு
விருந்தளித்து நிற்கிறாள்
இந்த சந்தையிலாவது
விலை போக மாட்டேனா

கன்றிப்போன மனதுடன்
கலைக்கிறாள் கோலத்தை
நாளை வருபவனுக்காய்
மறுபடியும் புதிதாக நாளை
கோலமிட தன்னை...

2018/06/23
புத்தளக்கவி நிஸ்னி
இ.தென்கிழக்கு பல்கலைக்கழகம்

Comments

Post a Comment

Popular posts from this blog

நவீன நாட்டாமைகள் நாம்

-
Image
நவீன நாட்டாமைகள் கடைவீதிகளில் கண்டிருப்பீர் மூட்டை தூக்கும் நாட்டாமைகளை பள்ளி வீதியில் கண்டதுண்டா புத்தக மூட்டை சுமக்கும் பள்ளியாமைகளை நேர சூசி பார்த்து நேர்ந்து அடிக்கினாலும் மிஞ்சப்போவதும் ஒண்டுமில்லை மூட்டை தூக்கி முதுகில் வைத்ததும் குனிந்த முதுகோ நிமிர முடிவதில்லை கட்டு கட்டாய் நோட்டு இருக்கும் ஐந்து நாளும் ஒன்பது பாடமிருக்கும் கூடவே குறிப்பு கொப்பி இருக்கும் போதாக்குறைக்கு சோத்து மூட்டையிருக்கும் வீடு வந்து சேர்ந்த பின்னும் முதுகு வலியோ போகாமலிருக்கும் சுமை சுமக்கும் வண்டில் மாடு போல உருவில் சின்ன மாற்ற முண்டு அசை போடத்தான் ஒன்றுமில்லை வருங்கால தலைவரெல்லாம் நல்ல பணிவாய் குனிந்து நடப்பர் காலாப் போக்கில் நம்மவர்களை குனிந்து கூரிய பார்வையால் தேடிப்பிடிப்பீர் படிக்க ஆசையில் பள்ளி போனால் பளு தூக்கச்சொல்லும் கொடுமையென்ன அழகான பையில் அட்டையிட்ட புத்தகங்கள் நாகரீக நாட்டாமைகள் நாமானதென்ன ஆசிரியரே அன்புப்பெற்றோரே அரசாங்கமே அகில மாந்தரே நவீன உலகில் வழி நிறைய உண்டு நம் இடுப்பு வலி போக்க அதையறிந்து கண்டு நம் கை விலங்கை கழட்டி காற்...
Read more
-
Image
மருவிய மா ரெக லே... பல நூற்றாண்டு முன்பின் பாத்திமா கதையிது கால கால்களின் இடுக்கில் மெதுமெதுவாய் மிதிபட்டு புதைந்து புதிதாய் "மரக்கலே" எனும் மரக்கலமாக முளைவிட்ட கதையிது கடல் கடந்து வளம் சுரண்ட வந்த போர்த்துக்கேயரின் பசித்த வாளுக்கு இரண்டாம் இராஜசிங்கனை இரையாக்கி இலங்கையை அடைந்து அள்ளிச்சுருட்ட வெறியோடு மன்னனை வெட்டிவீச துரத்த ஊவாவில் ஒரு ஊரில் முக்காடிட்ட பாத்திமாவின் மனை வளவில் வளர்ந்த பலாவின் பொந்தில் பதுங்கிக் கொண்டான் வேட்டைக்காய் வந்த போர்த்துக்கேய வீரர்கள் அகோரமாய் அதட்டியும் அம்மணி வாயோ அவனிருந்த இடம் பகரவில்லை எரிச்சலுற்ற வெறி நாய்கள் கண்டதுண்டமாய் வெட்டி சாய்த்து சென்றன இரத்த வெள்ளத்தில் மூழ்கிக்கிடந்த மூதாட்டியை பொந்திலிருந்து வெளிவந்த அம்மன்னன் அள்ளியெடுத்து அவள் இரத்தம் தொட்டு பார்த்து நன்றியோடு சொன்ன வார்த்தை மா ரெக லே...... (என்னைக் காத்த இரத்தம்) அவள் உயிருக்கு உயிலாய் தந்த ஊர் பங்கர கமன.. ஆனால் இன்றோ மரக்கலத்தில் வந்தால் மரக்கலேயாவாம் மறைந்த வரலாரோடு காற்றில் கரைந்துவிட்டது பாத்திமாவின் தியாக...
Read more